امەريكا قۇراما شتاتتارى بەيجىڭگە وڭتۇستىك جۇڭگو تەڭىزى ايماعىنداعى "اسكەري كۇش قولدانۋ داۋىنا" قاتىستى ەسكەرتۋ جاسادى. ۆاشينگتون شەتەلدىك كەمەلەرگە قارسى قارۋ قولدانۋعا رۇقسات بەرەتىن بەيجىڭنىڭ جاڭا زاڭدارىنا قارسىلىق كورسەتتى. بۇل تۋرالى بريتانيالىق Thە Guardian باسىلىمى حابارلادى.
باسىلىمنىڭ اقپاراتىنا سايكەس، بەيجىڭ ءوزىنىڭ تەرريتورياسى دەپ سانايتىن تەڭىز ايماعىنا كىرگەن شەتەلدىك كەمەلەرگە قارسى قارۋ قولدانۋعا رۇقسات بەرەتىن جاڭا زاڭدارعا قاتىستى ۆاشينگتون "الاڭداۋشىلىق" بىلدىرگەن.
"ءماتىن بۇل زاڭدى قحر-دىڭ تەڭىزدەگى كورشىلەرىن قورقىتۋ ءۇشىن پايدالانۋعا بولاتىندىعىن بىلدىرەدى" دەدى اقش مەملەكەتتىك دەپارتامەنتتىڭ وكىلى نەد پرايس.
– ءبىز وڭتۇستىك جۇڭگو تەڭىزىندە جۇمىس ىستەيتىن بارلىق تەڭىز كۇشتەرى ءوز وكىلەتتىكتەرىن جۇزەگە اسىرۋدا كاسىبي جانە ۇستامدىلىقپەن ارەكەت ەتەتىنىن ەسكەرتەمىز. ءبىز بەيجىڭنىڭ وڭتۇستىك جۇڭگو تەڭىزىندەگى زاڭسىز تەڭىز تالاپتارىن بەكىتۋ ءۇشىن وسى جاڭا زاڭعا جۇگىنۋى مۇمكىن دەپ الاڭدايمىز، – دەدى پرايس جۋرناليستەرگە.
پىكىر قالدىرۋ